Ish-kryeministri Sali Berisha është i bindur në fitoren e koalicionit “Shtëpia e Lirisë” në zgjedhjet e pjesshme të 6 marsit në 6 bashki të vendit.
Në një deklaratë për mediat, Berisha tha se këtë fitore nuk mund ta pengojë asgjë, përfshirë edhe ndërhyrjet nga ndërkombëtarët.
Berisha: Asgjë nuk mund të pengojë “Shtëpinë e Lirisë” pa arritur fitoren e merituar. Kjo Parti Demokratike sot është në këmbë, është opozitë e vërtetë, është ajo që prisnin me padurim shqiptarët.
Ndërsa demokratëve që gjenden ende në selinë e PD në Shkodër ai përcolli këtë mesazh.
Berisha: Ata që janë brenda asaj selie duhet të largohen sa më parë nga shpifa, maska e pluralizimit Lul Brava dhe të rikthehen në partinë e votës së lirë. Ky është mesazhi im për çdo demokrat kudo që ndodhet. Të përfaqësosh Lul Bravën njeriu që në 30 vite ka krijuar standardin më të paimagjinueshëm të qëndrimit ndaj vetes, një peng i vërtetë, besoj se duhet të pyesësh mirë veten se kë përfaqëson.
