Pas përfundimit të zgjedhjeve, kreu i Prezencës së OSCE-së në Shqipëri, vlerësoi punën e Policisë së Shtetit në organizmin dhe mbarëvajtjen e zgjedhjeve parlamentar që u mbajtën me 25 qershor.
Po ashtu, vlerësim në mënyrë të veçantë ka marrë edhe zëdhënësi i Policisë së Shtetit, Gentian Mullaj për punën shumë të mirë që ka bërë, jo vetëm për trajnimin e mbi 6000 punonjësve që u angazhuan në zgjedhje, por edhe për komunikimin e vazhdueshëm që ai ka pasur me gazetarët.
Ka qenë kreu i Departamentit të Bashkëpunimit në Çështjet e Sigurisë në Prezencën e OSBE-së në Shqipëri Adrian Nessel gjatë aktivitetit organizuar në Drejtorinë e Përgjithshme të Policisë së Shtetit, i cili ka bërë me dije se i është akorduar “Certifikatë për Shërbime të Dalluara” zëdhënësit të Policisë.
Ndërsa vetë Mullaj në një postim në profilin e tij në ‘Facebook’, ka falenderuar OSCE për vlerësimin, duke shtuar se kjo tregon më së miri transparencën që Policia e Shtetit ka me publikun.
“Falenderim e mirënjohje për Prezencën e OSCE-së në Shqipëri, për vlerësimin e bërë ndaj meje dhe për mbështetjen në punën time për rritjen e transparencës mes Policisë dhe publikut.”, -shkruan Mullaj në profilin e tij në ‘Facebook’.
Mullaj ka marrë dhjetëra urime për punën dhe sjelljen që ka pasur gjatë procesit zgjedhor dhe jo vetëm, si dhe është përgëzuar për çmimin që ka marrë.
