Ambasadorja e Shteteve të Bashkuara Yuri Kim bashkë me ambasadoren e Bashkimit Evropian Christiane Hohmann kanë shkuar këtë të Mërkurë në KQZ.
Ende nuk dihen detaje mbi vizitën, por duke qenë se jemi në prag të zgjedhjeve lokale dy zyrtaret e larta e kanë fokusin te 14 Maji dhe mënyra si do shkojë procesi zgjedhor në vend.
Kujtojmë se ambasadorja amerikane Yuri Kim po zhvillon një turne në të 61 bashkitë e vendit, e ndërsa dje deklaroi se pritshmëritë e Uashingtonit janë që Shqipëria do të bëjë më të mirën që të sigurojë që zgjedhjet të zhvillohen në përputhje me standardet dhe normat ndërkombëtare.
Kryediplomatja amerikane thekson se qytetarët meritojnë një vend më të mirë dhe SHBA do të vijojë t’i mbështesë shqiptarët.
Më 14 Prill nis zyrtarisht fushata zgjedhore deri më 13 Maj, që është heshtje zgjedhore dhe më 14 Maj është dita kur qytetarët do iu drejtohen kutive të votimit për të zgjedhur kryebashkiakun e qytetit të tyre.
/a.r
