Ka arritur në mbi 240 mijë numri i shtetasve që jetojnë jashtë vendit, të cilëve u është miratuar kërkesa për t’u regjistruar si votues në zgjedhjet parlamentare të 11 majit pas aplikimit në Platformën Elektronike të KQZ-së.
Këta shtetas janë hequr nga lista e zgjedhore në Shqipëri, duke kaluar në listën e zgjedhësve nga jashtë vendit.
Gjithashtu sipas Komisionit Qendror të Zgjedhjeve, mbi 45 mijë mijë qytetarëve iu është refuzuar kërkesa për shkak të gabimeve që janë bërë gjatë aplikimit.
Kërkesat për regjistrim kanë ardhur nga shtete të ndryshme të botës, mirëpo numri më i lartë i kërkesave vijon të jetë nga Italia me 148 mijë, e ndjekur nga Greqia me mbi 103 mijë dhe më pas Gjermania me rreth 36.500 dhe SHBA me 24 mijë.
Sa i takon kërkesave për qark, Tirana vijon të ketë numrin më të lartë, e ndjekur nga Fieri, Elbasani dhe Korça.
Grupmosha që ka shfaqur interes më të lartë për të votuar janë 26–35 vjeç dhe 36–45 vjeç me rreth 95 mijë aplikues secila. Gjithashtu interes më të lartë për t’u regjistruar për sa i përket gjinisë kanë treguar burrat në raport me gratë.
