Ka nisur me debate mbledhja e sotme e KQZ, ku pritet miratimi i fletëve të votimit të 18 qershorit. Përfaqësuesi ligjor i PD, Ivi Kaso është shprehur se sot nuk është koha e duhur për të miratuar fletët e votimit pasi sipas tyre nuk është në përputhje në Kodin Zgjedhor.
Sipas tij, mbledhja duhet të bëhet pas 5 ditësh, në mënyrë që t’u lënë hapësirë subjekteve politike për ankimim në Kolegjin Zgjedhor të vendimeve të KQZ nëse ato cënojnë interesat e tyre. Por sipas kreut të KQZ Denar Biba, miratimi i listave vjen një ditë pasi janë miratuar listat shumëemërore të Partive Politike të regjistruara në zgjedhjet e 18 qershorit.
Ai shprehet dhe në zgjedhjet e kaluara miratimi i fletëve të votimit ka ndodhur dy ditë pas dorëzimit të listave.
ma.me
