Nëse Shqipëria merr nesër një përgjigje negative nga BE për çeljen e negociatave, kreu i qeverisë Edi Rama shprehet se asgjë nuk do të ndryshe me vendin tonë, dielli do të lindë sërish dhe qeveria do vijojë të punojë siç ka bërë deri më tani, duke mos shkuar në zgjedhje të parakohshme.
Në përgjigjen e tij Rama u shpreh me ironi se do të shkojmë në zgjedhje të parakohshme vetëm nëse ky vendim, do të bënte që të zgjidhej konflikti mes Francës dhe Gjermanisë..
-Nuk e çoni në mend ta çoni vendin në zgjedhje të parakohshme?
Rama: Cilin vendim, Francën apo Shqipërinë? Shqipëria nuk ka pse shkon sepse ka marrë po e Gjermanisë dhe vendeve dërrmuese, i ka bërë të gjitha detyrat… zgjedhje të parakohshme në Shqipëri nuk zgjidhin problemin e Gjermanisë dhe Francës se nëse do ta bënte atëherë do ta mendoja seriozisht të shkoja në zgjedhje. Futja në zgjedhje e Nardit dhe Dashit nuk zgjidh konfliktin e Merkelit me Macron.
Rama tha se në BE nuk ka pasur vende kundër Shqipërisë dhe pro Maqedonisë.
Rama: Kjo është e pavërtetë, nuk ka pasur vende pro Maqedonisë dhe kundër Shqipërisë, shumë pak vende kanë qenë, dhe kancelaria gjermane nuk ka qenë kurrë për ndarjen, dhe u shfaq në 6 mujorin e parë kur këtu u bë nami, kur u fut në mes e gjitha balta që iu hodh në Berlin përmes linjës partiake, që e pastruam falë komunikimin intensiv të CDU që në fund të ditës mbështet Shqipërinë. Pas qershorit, gjasat që të ndodhte ndarja ishin të mëdha për shkak të atyre që ndodhen këtu, por pas qershorit ne kemi komunikuar, dhe falë respektit të Merkel që ka për vendin tonë dhe punën tonë ka bërë që Gjermania të jetë kundër ndarjes.
g.kosovari
