Mesila Doda ka falënderuar deputetët Ben Blushi dhe Mimoza Hafizi pas kërkesës së tyre që Presidenti i Republikës të zgjidhet nga populli, pasi sipas saj ky amendament është depozituar nga grupi parlamentar i PDIU qysh në dhjetor 2015.
Doda ka shkruar në statusin e saj në Facebook: ‘’Falenderojmë kolegët që mbështesin opsionin tonë për zgjedhjen e Presidentit nga populli. Po shoh një lajm që deputetet Blushi dhe Hafizi kanë deklaruar se do kërkojnë nga komisioni i Reformës, zgjedhjen e Presidentit nga populli. Për dijeni të medias dhe të gjithë atyre që deklarojnë se kjo heq monopolin, ju bej me dije se ky amendament është depozituar nga grupi parlamentar i PDIU qysh në dhjetor 2015 pranë komisionit të Reformës dhe ne sot nuk na mbetet tjetër vetëm të falenderojmë gjithë kolegët që i bashkëngjiten këtij opsioni dhe mendojnë që vizioni ynë për ndryshimet kushtetuese është zgjidhja më e mirë’’.
ma.me
