Kreu i grupit parlamentar të PS, Taulant Balla shpjegoi se si do të funksionojnë propozimet për Presidentin e ri, si dhe cilat janë kriteret që do duhet të përmbushin kandidatët. Sipas Ballës kriteri bazë është që kandidati duhet të jetë mbi moshën 40 vjeç dhe të jetë rezident në Shqipëri në 10 vitet e fundit.
“Duhet t’ju kujtoj se Kushtetuta ka përcaktuar si kritere bazë të kandidatit/es për president moshën 40 vjeç e lart dhe në 10 vitet e fundit të jetë rezident në Shqipëri dhe ky është një kriter qëkur është shkruar Kushtetuta. Në vitin 1998 ndoshta nuk ka pasur parasysh këtë lëvizje kaq të madhe që përjashton një pjesë të konsiderueshme të shqiptarëve që jetojnë jashtë territorit, por ky është një model që gjendet në të gjithat kushtetutat e ngjashme të republikave parlamentare pasi Kushtetuta jonë i është referuar Kushtetutës Republikës Federale gjermane, e cila ka përcaktuar një të ngjashme si e jona. Na vjen keq nuk mund të kemi një shqiptar/e që jeton jashtë territorit sepse duhet të përmbushi këtë kriter”, tha Balla.
/a.r
