Kuvendi po diskuton propozimin për zgjatjen e afatit të vlefshmërisë për letërnjoftimin elektronik dhe pasaportën, deri në fund të muajit maj 2025, me qëllim që diaspora të votojë dhe të ushtrojë të drejtën e votës kushtetuese për zgjedhjet e 11 majit.
Në fjalën e tij në kuvend, ministri i Brendshëm Ervin Hoxha njoftoi se janë rreth 520 mijë shtetas të cilëve u ka kaluar afati i vlefshmërisë së dokumentit të identifikimit ose mund t’u skadojë ky afat deri në 11 Maj.
“IdentiTek”, si kompania e prodhimit të dokumenteve biometrike, po vijon turin e aplikimeve me skuadra të lëvizshme në qytete të mëdha jashtë vendit, ku jetojnë shumë shqiptarë. Por nisur nga vlerësimet tona, numri i shtetasve shqiptarë me të drejtë vote, të cilëve u ka kaluar afati i vlefshmërisë së dokumentit të identifikimit ose mund t’u skadojë ky afat deri në 11 Maj, është rreth 520 mijë shtetas”, u shpreh Hoxha, i cili bëri thirrje që t’i jepet mundësi diasporës të votojë në këto zgjedhje.
Pas tij ka reaguar kreu i Partisë Demokratike Sali Berisha i cili kërkon zgjatjen me dy javë dhe jo 4-5 ditës. Sipas Berishës ky akt i diskriminon shqiptarët, apsi afati duhet të zgjattë edhe ëpr shqipatrët brenda vendit.
“Aktet që paraqiten këtu janë gjysmake dhe hipokrite sepse nëse bëhet fjalë që 800 mijë shqiptarë i kanë të skaduar dokumente dhe miratojmë aktin duke u mundësuar votimin duke u lënë 4-5 ditë afat. Ky është akt qesharak që do damkosë këtë mazhorancë me një tjetër damkë të zezë dhe të merituar. Nëse miratojmë këtë akt të shtyjmë këtë akt me 10 ditë ta bëjmë 15 ditë për mundësinë e votimit të tyre. Ky akt që propozoni i diskriminon shqiptarët. Nëse zgjasni afatin për shqiptarët që janë jashtë ai duhet të jetë i vlefshëm dhe për shqiptarët që janë brenda”.
