Hetimet ndaj biznesmenit italian Francesco Becchetti do të zgjaten edhe për 3 muaj. Vendimi është marrë nga Prokuroria e Tiranës, e cila ka zgjatur afatin e hetimeve me tre muaj për pronarin e Agon Channel. Shkak për këtë zgjatje është bërë mos marrja në dijeni e biznesmenit italian në lidhje me akuzat e ngritura nga prokuroria shqiptare.
Mbi biznesmenin 49-vjeçar rëndojnë 3 akuza, ajo e pastrimit të parave, vjedhje duke shpërdoruar detyrën si dhe krijim të skemave mashtrues me qëllim përfitimin. Njoftimi i të akuzuarit është faza e fundit përprara se dosja të dërgohet në gjykatë nga organi i hetimit. Nëse Becchetti do të marrë dijeni mbi akuzat atëherë ai shumë shpejt do të përballet me akuzat në sallën e gjyqit.
