Paolo Tramezzani është zv.trajner i kombëtares shqiptare. Ish-futbollist i Interit, Totenhamit dhe Atalantës, ai i është bashkuar aventurës shqiptare dhe në këtë intervistë për Corriere dello Sport thotë se ndjehet i intriguar nga ajo që po ndodh në “vendin e shqipeve”.
“Cikalleshi, Balaj dhe Sadiku mund të bëhen sulmues të mëdhenj. Pastaj është edhe Roshi, një sulmues krahu shumë i shpejtë” thotë ai, pa harruar Lilën, për të cilin thotë se është i habitur me atë që po bën. Natyrisht tramezzani nuk harron Canën, për të cilin thotë se është një ojtar themelor për kombëtaren shqiptare.
Sipas tij Shqipëria synon një objektiv historik, hyrjen në finalet e Kampionatit Europian. Ai thotë se deri tani rruga ka qenë e shkëlqyer, por kjo s’mjafton. Tramezzani shprehet se aktet e rënda në Beograd ishin të pabesueshme për të. “Kishim frikë, në ditët para ndeshjes kishim ndjerë se nuk ishte një situatë e thjeshtë”, thotë ai. “Beogradi ishte një qytet nën shtetrrethim dhe klima ishte surreale. Tani presim apelin e CAS dhe kemi shpresa të marrim diçka pozitive”. Tramezzani thotë se Shqipëria është një vend që të shkakton emocione të jashtëzakonshme. “Është një popull me një humanizëm të madh. Shohin në rrugën tonë, si italianë, një lloj shembulli që duhet ndjekur. Për ne kjo do të thotë shumë”.
