Ministrja e Mbrojtjes, Olta Xhaçka ka informuar se dy ditë më parë janë publikuar emrat fituesë të aplikantëve për një vend në Akademinë e Forcave të Armatosura.
Gjithashtu Xhaçka njofton se raundi i dytë hapet më 19 shtator dhe mbyllet më 21 shtator.
Ministrja thekson se Akademia e FA ofron pagesë mujore ndihmëse, akomodim dhe ushqim falas për 3 vite studimi, tarifë 0 lekë në vit dhe punë të sigurt pas diplomimit.
STATUSI NGA OLTA XHAÇKA
Raundi i parë i aplikimit dhe regjistrimit pranë Akademisë së Forcave të Armatosura në programin e studimeve në fushën e shkencës ushtarake përfundoi. Lista e aplikantëve të parë fitues është publikuar në faqen tonë zyrtare (kliko: https://ëëë.mod.gov.al/…/4497-lista-e-aplikanteve-fitues-ra…).
Nga 19 deri në 21 shtator nis raundi i dytë i aplikimeve, për të gjithë ata që do të jenë brezi i së ardhmes në Forcat e Armatosura.
Në këto data, të gjithë maturantët që kanë mbaruar këtë vit arsimin e përgjithshëm, mund të aplikojnë në ëëë.ualbania.al.
Por aplikimi vazhdon të jetë i hapur edhe për maturantët e viteve të shkuara. Më 21 shtator përfundon afati edhe për këtë kategori aplikantësh, të cilët duhet të plotësojnë formularin pranë gjimnazit ku janë diplomuar, duke zgjedhur Akademinë e Forcave të Armatosura si një ndër preferencat e tyre.
Akademia e Forcave të Armatosura është një mundësi e jashtëzakonshme.
🟢Pagesë mujore ndihmëse për çdo student për të gjithë periudhën e studimit
🟢Akomodim dhe ushqim falas për 3 vitet e studimit në Akademi
🟢Tarifë studimi 0 lekë në vit
🟢Punësim i sigurt pas përfundimit të studimeve
675 maturantë aplikuan vetëm për raundin e parë për të ndjekur studimet bachelor pranë AFA. Jemi super optimistë që në përfundim të raundit të tretë do të kemi 60 studentët e parë të shkollës sonë ushtarake, shtyllës kryesore të formimit të Forcave tona të Armatosura
Bëhuni elita e së ardhmes në Forcat e Armatosura!🇦🇱
/e.rr
