Ish-kryetari i Gjykatës së Kasacionit, sot Gjykata e Lartë Zef Brozi ka reaguar sërish sot nga SHBA në lidhje me tubimin të opozitës që ka për objektiv bllokimin e rrugëve për një orë.
Ai shprehet se nëse një qytetar do të bllokonte Bulevardin edhe per disa minuta duke protestuar, policia duhet ta ndalojë, prokuroria do ta ndjekë penalisht dhe gjykata do ta dënojë, pasi atëherë Shqipëria do bëjë hapa demokratikë.
Opozita sot nga ora 11:0012:00 ka lajmëruar se do të bllokojë rrugët në të gjithë vendin në shenjtë proteste për qeverisjen, që sipas saj është e kriminalizuar.
Statusi i plotë i Brozit në rrjetin social:
Kur ligji të jetë mbi partite dhe jo partitë mbi ligjin dhe shtetin ligjor, atëherë Shqipëria do ketë bërë një hap të madh demokratik.
Nëse një qytetar do të bllokonte Bulevardin edhe për disa minuta duke protestuar, policia do ta ndalonte, prokuroria do ta ndiqte penalisht dhe gjykata do ta dënonte.
Por kur partitë bllokojnë për javë e muaj Bulevardin; Kur partitë bllokojnë rrugët dhe dëmtojnë edhe pasurinë publike e private, pra shkelin ligjet. Shteti toleron!
Partia, ciladoqoftë ajo, nuk duhet të jetë bunkeri që mbron dhunuesit e ligjit. Kjo padrejtësi e madhe duhet të marrë fund menjëherëc dhe përgjithmonë.
Qytetari, pushtetari, politikani, partitë dhe kushdo tjetër duhet të jemi njësoj përgjegjës para ligjitnëse duam vendosjen e shtetit ligjor dhe progresin e demokracisë në Shqipëri.
/b.d
