Zëdhënësja e Klajda Gjoshës, ministres së Integrimit, sulmon deputeten demokrate Majlinda Bregu, pas daljes së saj në “Portokalli”.
Zirina Llambro e cilëson “Fiks për të qeshur” përgjigjen e ish-ministres Bregu se “do merrej prapë me integrimin europian”.
Mbrëmë Bregu ishte ftuar në “Portokalli”, ku tha se do vazhdonte të merrej me integrimin europian.
“Integrimi nuk na ndahet as në Portokalli. Sot ishte fiks për të qeshur. Dëgjova përgjigjen: Po të isha prapë ministre do merresha me integrimin europian se nuk flitet më. Në fakt, mbaj mend që kam qenë gazetare para tre vjetësh, nuk më rezulton të kishte ndonjë hapësirë të bollshme në media, për të mos folur për qytetarët që u dukej si koncept abstrakt. Lakime për “Modë dhe fashion” po, sikur kam dëgjuar.
Integrimi më rezulton si çështje ditës, ka ca kohë. Dhe për t’u bërë seriozë meqë Portokallia ka publicitet: Integrim veç të tjerash do të thotë objektivizëm jo tentativë sarkazme…”, komenton Llambro.
