Me theksin se ka besim te drejtësia, këshilltari i Presidentit Ilir Meta, Tedi Blushi, në dalje nga Prokuroria e Tiranës, aty ku ishte thirrur për të dhënë më shumë detaje mbi dy telefonatat që e kanë kërcënuar disa ditë më parë, tha se shumë shpejt çështja do të zbardhet.
Blushi tha se kanë qenë dy shtetas të ndryshëm me të cilët ka komunikuar në shqip dhe në një gjuhë tjetër. Nuk ka preferuar të japë detaje por Blushi deklaroi se i ka vënë në dispozicion gjithçka prokurorisë.
“Kam pasur një telefonatë për të cilën nuk dua të flas tani, shpresoj që të ma thojë prokuroria se kush fshihet pas kësaj. Kam komunikuar me dy shtetas një shqiptar, dhe një në gjuhë të huaj, për të gjitha këto sqarime kam vënë sot në dijeni organin e akuzës i cili besoj se do e zbardhë këtë cështje shumë shpejt. Kam besim te prokuroria te organi i akuzës që do nxjerrë në dritë të vërtetën shumë shpejt. Porkuroria është njohur me të gjitha faktet, sapo kam marrë këtë telefonatë, disa orë më pas kam vënë në dijeni edhe organet e drejtësisë”, deklaroi Blushi.
g.kosovari
