Uniforma e Chelsea-t për sezonin 2019-20 është zbuluar online dhe ka disa vizatime të çuditshme që janë frymëzuar nga “Stamford Bridge”. Londinezët mund ta veshin këtë uniformë para fundit të këtij sezoni.
“Blutë” do të luajnë edhe pesë ndeshje të paktën deri në fund, tre në Premier dhe përballjen e dyfishtë në gjysmëfinalet e Europa League, kundër Eintracht Frankfurt.
Duke parë se ndeshjen e fundit të sezonit do ta luajnë në fushën e Leicester, “Blutë” pritet të luajnë me uniformën e re 5 majin e ardhshëm, në ndeshjen që skuadra e Sarri-t do të luajë në shtëpi kundër Watford-it.
Ndërkohë, tifozët kanë dhënë mendimin e tyre në Twitter në lidhje me uniformën e re. Njëri ka shkruar: “Do të gënjeja po të thoja se më pëlqeu me shikimin e parë”. Një tjetër ka thënë thjesht: “Nuk më pëlqen”.
Një i tretë ka shkuar kundër rrymës: “Më pëlqejnë çorapet blu të uniformës së parë, gjithmonë më kanë pëlqyer”.
