Policia ka shpallur në kërkim shtetasin I.Beko pronarin e karburantit ku u sekuestrua arsenali i armëve në Elbasan.
17 armë të kalibrave të ndryshëm u sekuestruan pas një operacioni të policisë së Elbasanit në Papër.
Pjesa më e madhe e armëve janë moderne dhe që i përkasin prodhimit Frances dhe Belg, armë këto që përdoren nga ushtritë e vendeve të NATO. Vetëm 7 janë kallashnikovë dhe një armë gjahu çifte. Ndërsa pjesa tjetër janë armë të sofistikuara dhe që kanë një precizion të lartë në qitje. Mes tyre ka dhe snajpera modern.
Armët sipas burimeve janë gjetur një ditë pas atentatit ndaj dy vëllezërve Baho më datë 30 Qershor, pas një informacioni nga një banor. Arsenali i armëve mësohet se është dërguar për ekzaminim në laboratorin kriminalistik për të zbuluar nëse janë përdorur për ngjarje kriminale në qytetin e Elbasanit apo zona të tjera, pasi dyshohet se mund t’i përkasin grupeve kriminale që veprojnë në zonë./l.m
