Ekziston një plan sekret që Presidenti Putin ka në rast se humb luftën me Ukraninën. Ky plan është pohuar nga ish-shkruesi i fjalimeve të presidentit rus, raporton “DailyStar”.
Komiteti ekzekutiv i presidentit rus ka hartuar një plan arratisjeje, i cili është quajtur jozyrtarisht “Arka e Noes”, që nga pranvera dhe ka marrë në konsideratë vendet e evakuimit, duke përfshirë Argjentinën, Venezuelën dhe Kinën
Kjo do të ndodhë sipas Abbas Gallyamov, një ish-aleat i Putinit, i kthyer në analist politik, i cili shkroi fjalime për liderin e Kremlinit nga viti 2008 deri në 2010 dhe tani banon në Izrael.
Duke bërë pretendimin në Telegramin e tij në fillim të kësaj jave, ai tha se informacioni erdhi nga një burim i besuar, duke shtuar:
“Unë zakonisht nuk ritregoj histori të brendshme, por sot do të bëj një përjashtim.”
Duke detajuar planin per te cilin ai tha se ka dijeni, ai shkroi:
“Siç nënkupton emri [Arka e Noes], ka të bëjë me gjetjen e tokave të reja ku mund të shkoni nëse atdheu bëhet plotësisht i pasigurt. Aleatet e liderit rus nuk përjashtojnë që ai të humbasë luftën, të humbasë pushtetin dhe t’i duhet të evakuohet urgjentisht diku”.
Gallyamov pretendon se Kina ishte vendi fillestar i propozuar Putinit për të ikur, me idenë e paraqitur nga Mikhail Kovalchuk, një shkencëtar dhe zyrtar rus, i cili është presidenti i qendrës kryesore të kërkimit bërthamor të vendit.
Argjentina dhe Venezuela tani po konsiderohen të dyja si “vende premtuese”.
Gallyamov tha se ai nuk di detaje të mëtejshme në lidhje me një plan të mundshëm për t’u arratisur në Argjentinë, por se Igor Sechin, një oligark rus dhe aleat i ngushtë i Putinit, po mbikëqyr një projekt për ta larguar atë në Venezuelë.
Gallyamov tha: “Ai ka një marrëdhënie të mirë personale me Maduro [presidentin e Venezuelës]”.
/e.d
