Ndërsa janë shoqëruar rreth 15 persona për ngjarjen e një dite më parë, ku u vranë në atentat dy persona në sheshin ‘Flamuri’, ekspertët kanë krijuar edhe identikitin e personit që kreu masakrën. Bazuar në deklaratat e marra, ekspertët e kriminalistikës në Vlorë kanë bërë një identikit të personit që hapi zjarr me automatik, që mendohet se është rreth 35 vjeç.
Aktualisht, puna e hetuesve është përqëndruar te shasia e automjetit të djegur, të cilin autorët e dogjën pak kilomentra larg vendit të ngjarjes. Me anë të numrit të shasisisë dhe targës së makinës, do të bëhet e mundur gjetja e pronarit të automjetit.
Po ashtu, në ndihmë të hetimeve janë edhe pamjet e kamerave të sigurisë së një hoteli, të cilat kanë fokusuar një person të ri i veshur sportiv, i pamaskuar, por me kapele në kokë, që qetësisht me automatik në dorë afrohet pranë tavolinës ku ndodhej Mirvjen Hyseni duke qelluar me bresheri, ku mbeti i vrare edhe Roland Saliu.
Autori largohet me shpejtësi duke përfituar nga kaosi që ndodh në ato çaste. Roland Saliu rezulton të jetë viktima e rastësishme e atentatit i gjendur fatalisht në vendin dhe kohën e gabuar, ndërsa shënjestër mendohet të ketë qenë biznesmeni, Mirvjen Hyseni. Po ashtu po heteohet edhe për të kaluarën e këtij të fundit.
Sipas të dhënave, një plumb i vetëm në kokë i ka shkaktuar vdekjen e menjëhershme Roland Saliut, ndërsa Hyseni ka marrë 5 plumba ne gjoks.
a.ç
