Brenda datës 4 dhjetor… Ky është afati i fundit që ka përcaktuar Sali Berisha për përmbylljen e primareve. Afatin e bëri të ditur gjatë ditës së sotme në mbledhjen e Kryesisë, bëjnë me dije për Report Tv.
Të parat që do të mbajnë primaret, do të jenë Tirana, Elbasani dhe Durrësi ndërsa kandidatët kanë vetëm 2 javë kohë për të bërë fushatë.
Por më shumë sesa primaret, Berishën e shqetësojnë përgatitjet e Edi Ramës, për kasaphanë në zgjedhjet vendore. Paralel me primaret për zgjedhjen e kandidatëve, Berisha ka paralajmëruar se do të rikthehen protestat e fuqishme.
Berisha nuk heq dorë nga procesi i primareve ndërsa PD dhe Rithemelimi po zhvillojnë bisedime për bashkimin e demokratëve. Ish kryeministri zgjodhi të mos komentojë takimin e parë të negociatorëve Paloka-Bardhi për bashkimin e PD por duket se nuk ka humbur kohë për të caktuar afatin e fundit për përmbylljen e primareve./ shqiptarja.com/
/e.d
