Zbulohet arsyeja e arrestimit të drejtorit të burgut “313” në Tiranë, Eduart Struga.
Prangosja e tij vjen gjashtë muaj pas marrjes së detyrës në krye të burgut të sigurisë së lartë, ndërkohë që prej tre muajsh kishin nisur hetimet.
Arrestimi i tij është bërë nën akuzën e korrupsionit për një tender, ku dyshohet se janë përfshirë edhe zyrtarë të tjerë.
Bëhet me dije se drejtori i burgut “Jordan Misja”, siç njihet ndryshe “313”, së bashku me shefin e logjistikës me inicialet F.A., dhe E.K., i cili është përfaqësuesi i dyqanit brenda burgut janë të përfshirë në aferën korruptive.
Prokuroria e Posaçme, SPAK në vijim të hetimeve ka zbuluar se drejtori i burgut dhe vartësi i tij, i kanë marrë një shumë prej rreth 5 milionë lekësh të vjetra personit që kishte dyqanin brenda burgut, për ta favorizuar për lejen.
Në momentin e arrestimit shefit të logjistikës së burgut i janë sekuestruar 100 mijë lekë të reja, të cilat dyshohet të jenë përfitim i parregullt.
g.kosovari
