Policia e Kosovës ka zbuluar dy laboratorë të sofistikuar për kultivimin e bimëve narkotike në Pejë.
Personi me inicialet B.H. i lindur në vitin 1966 është arrestuar, pasi në shtëpinë e tij janë zbuluar dy laboratorë të brendshëm të sofistikuar për prodhimin e bimës së llojit Kanabis Sativa, transmeton Koha.net.
Laboratorët ishin të pajisur me sistem të nxehjes, ftohjes, ndriçimit, ventilimit ujitjes etj. Bastisja ka rezultuar edhe me gjetjen edhe një revole.
“Policia e Kosovës, respektivisht Njësiti antidrogë në Rajonin e Pejës pas një pune operativo-hetimore si dhe informacioneve të pranuara nga burimet në teren me 02/08/2016 rreth orës 21:00, ka bastisur/kontrolluar shtëpinë dhe pronën e një personi të dyshuar në qytetin e Pejës”, thuhet në njoftimin e Policisë. (b.an)
