Këto kërpudha, që janë “zbuluar” tani, në fakt kanë ekzistuar vazhdimisht para syve tanë, por nuk i kemi vërejtur ato. Kërpudhat me formë të njeriut nuk janë gjetur në ndonjë xhungël të largët, por pranë një rruge në Angli, transmeton gazeta Kosova Sot Online.
Jonathan Revett e ka si hobi mbledhjen e kërpudhave, ku ka edhe një ueb sajt rreth tyre. Ai i kishte vërejtur këto kërpudha të çuditshme që në vitin 2000, por u desh që të kalonin disa vjet para se të ekzaminoheshin ato.
Tani është konfirmuar edhe zyrtarisht, se bëhet fjalë për një lloj të ri të kërpudhave, të quajtura Geastrum britannicum. Në fakt, kjo kërpudhë nuk është aspak e rrallë, meqë është gjetur në 15 lokacione në Britaninë Jugore.
