Ka ndërron jetë në spital i moshuari i cili u qëllua me armë zjarri mbrëmjen e djeshme në lagjen “Rilindja” të qytetit të Vlorës.
Mësohet se autori i vrasjes së 69-vjeçari me inicialet V.K, është nipi i tij, i cili është dhe personi i cili e dërgoi dhe në spital.
Ditën e djeshme ai u shpreh se kishte ndodhur një grabitje dhe se e kishin qëlluar disa persona, por pasi u arrestua nga policia, ai e pranoi krimin.
Gjithashtu, ai rrëfeu si ndodhi ngjarja dhe se ku e kishte fshehur armën e krimit me të cilën vrau gjyshin e tij.
Ndërkohë në banesën e 69-vjeçarit dyshohet se janë grabitur rreth një milionë lekë të vjetra. Fillimisht u dyshua se i moshuari të ishte qëlluar me levë në kokë, por nga ekspertiza rezultoi se 69-vjeçari, ka marrë plumb.
Njoftimi i policisë pas ngjarjes
Më datë 27.02.2019, rreth orës 20:40 është dërguar për ndihmë mjeksore në Spitalin Rajonal Vlorë i moshuari 69 vjeçar V.K, i cili është konstatuar nga nipi i tij me dëmtime në kokë ende të pa përcaktuara se nga janë shkaktuar.
Grupi hetimor ndodhet në vendngjarje ku vijon punën për zbardhjen dhe sqarimin e rrethanave të ngjarjes.
E.Xh./
