Nga foltorja e Kuvendit, deputeti i Partisë Demokratike Xhelal Mziu hodhi akuza për linjën hekurudhore, që sipas tij është premtuar që para 10 vitesh.
Ashtu si kolegët e tjerë demokratë, Mziu ngriti edhe shqetësimin për votimin e emigrantëve që nuk kanë një dokument shqiptar identifikimi.
“Ka 10 vite a më shumë që do fillonin hekurudhat, madje aq nostalgjike janë bërë hekurudhat saqë na ka marrë malli për borinë e trenit që ka më shumë se 6 vite që nuk funksionon më. Dalin kolegët dhe tregojnë sikur do shpikë një rrotë të re. Ju kur erdhët në pushtet e gjetë hekurudhën që funksionte, transportonin dhe produktet qytetarët. Ju tregoni që nga ajo ditë si ato planet e diktaturës, keni një mandat 4 vjeçar dhe bëni plane 20 vjeçare. I durdullisni qytetarëve sikur do bëni hekurudhat, jemi i vetmi vend që botë që ska hekurudha. Krenoheni se keni turistët, ata nuk gjejnë as tren. Dhe shinat i keni shitur, keni paguar lekë për t’i hequr dhe kanë shkuar për skrap. 77 mln euro për të shkuar deri në Rinas, treni do vetëm shinat dhe stacionet e trenit. Ju keni të njëjtën strategji si investimet e tjera. Si mundet të ndërtosh tunelin e llogarasë me 200 mln euro dhe nuk bën linjën kryesore nga Tirana-Rinas apo Porti i Durrësit, vetëm në Shqipëri ndodh kjo. Vota e diasporës, emigrantët nuk mund të votojnë se një numër i konsiderueshëm nuk kanë asnjë dokument shqiptar. Ju keni frikë dhe panik, e bëtë për propagandë nismën për emigrantët”– u shpreh Mziu.
Në përgjigjen e tij Balla tha se linja hekurudhore do kalojë edhe në Kamëz prandaj duheshin fondet shtesë për kalime, ku ndër të tjera përmendi edhe transformimin e bashkisë që Mziu ka qenë kryebashkiak.
“Vërej një garë të opozitës kush tja fusi më shumë kot. U kritikua qeveria sa i përket linjës hekurudhore egzistuese Milot-Rrëshen. Z.Mziu jeni në mandatin e parë, para se tja fusni kot, bëni një telefon dhe pyesni. Linja hekurudhore është prishur e tëra gjatë ndërtimit të rrugës së Kombit. Të gjithë e dimë, ju keni pasur nderin e madh të shërbeni si kryetar bashkie në Kamëz. Si ti lëmë ne banorët e Kamëz pa kalime? Nuk i lëmë dot, historia e Kamzës e transformimit ti dhe Saliu nuk e mendonit dot kurrë. Ju e keni marrë vesh që rezultatet e diasporës do jenë më të thella sesa rezultati këtu brenda. Ju jeni ndarë si këngëtarë nëpër koncerte, por mos i merrni shqiptarët për budallenj. Humbja e kësaj radhe është nga më të rëndat po ju s’u vjen as turp“-u shpreh Balla.
Mziu pati edhe një përgjigje për transformimin e Kamzës.
“Më vjen keq që Ballën e paskan lënë veshët. Ja ka fut kot, u ankova për heqjen e shinave në Shqipëri. Në Kamëz ti dhe Rakipi s’keni bërë dot as çerekun tim. Dhe e fundit, ti je bërë si daullexhinjtë. Mos shko më se kaq e dhimbshme do jetë, do marrësh barrën e fajit se diaspora do votojë PD dhe do pësoni humbjen më të madhe sa 22 mars 1992“-ishte përgjigja e Mziut.
