olicia e Shkodrës ka bërë publik emrat e shtatë personave të arrestuar gjatë ditës së sotme, të cilët akuzohen se janë pjesë e një bande kriminale që i vinte gjoba qindra tregtarëve në zonën e Tregut të Zdrales, dhe të Rrugës së Gjerë të Kirasit.
Është faktuar se prej të paktën 4 muajsh nga tetori 2016 në shkurt 2017 anëtarët e kësaj bande i merrnin muaj për muaj nga 1 mijë deri në 3 mijë lekë të rinj çdo tregtari, pasi i kanosnin dhe kërcënonin.
Përvec dy personave që janë mbi 50 vjec, pesë anëtarët e tjerë janë mbi 20 vjec, ndërsa njëri prej tyre është vetëm 17 vjec.
Express mëson se bëhet fjalë për një numër të konsiderueshëm tregtarësh që kanë rënë pre e shantazheve të tyre, rreth 300 tregtarë.
Policia i arrestoi të dyshuarit në një lokal në zonën e Shirokës, aksion i cili nuk mund të shmangte dot panikun e përhapur mes klientëve të rastësishëm që po konsumonin drekën në restorantin në fjalë.
Kërcënimet ishin tipike të një grupi mafioz, se nëse nuk do të paguanin anëtarët e bandës do tu shkatërronin bizneset apo edhe më keq akoma, i kërcënonin edhe për anëtarët e familjes.
Te arrestuarit
Muhamet Lici 25 vjec
Abedin Bajraktari 27 vjec
Denis Skutina 24 vjec
G.S 17 vjec
Besmir Domnori 24 vjec
Gëzim Vajushi 57 vjec
Fatmir Dibra 53 vjec
Gjatë ekzekutimit të urdhër arresteve dhe kontrolleve në banesat e tyre, policia sekuestroi dy automjete, një Mercedez Benz të blinduar me targa AC 108 – u dhe një Fiat, 7 telefona celularë, 6 uniforma kamuflazhi, një targë makine BP 1065 HT, një palë dylbi, tre skafandra motori, një sasi kanabisi, si dhe fletore shënimesh, ku ishin të shënuar emrat e personave që gjobisnin dhe paratë.
