Në dosjen e prokurorisë janë të zbardhuar me detaje se kush janë persona e përfshirë në trafikimin e lëndëve narkotike. Në dosje thuhet se dy nga 5 bashkëpunëtorët e drejtësisë Ferhat Ajdini dhe Fiqiret Seferi, janë të skeduara për trafikim të lëndëve narkotike dhe trafikim qeniesh njerëzore që në 1997.
Duhet theksuar se ata janë arrestuar nga autoritetet italiane në 2018, gjatë operacionit të koduar shefi. Gjykata e Apelit në Bari ka shpall vendimin përfundimtarë duke i dënuar me 19 vite e 4 muaj burg Fiqiret Seferi dhe 20 vite heqje lirie Ferhat Ajdini. Në dosjen e Prokurorisë së Posaçme thuhet se ata kanë marrë statusin e bashkëpunëtorit të drejtësisë dhe kanë filluar që të rrëfehen para autoriteteve italiane në fund të vitin 2019 dhe fillim të 2020.
Në dosje thuhet se i penduar i drejtësisë Ferhat Ajdini pasi ka rrëfyer me detaj çdo gjë që dinte për trafikimin e lëndëve narkotike dhe kush ishin personat me të cilët ai kishte bashkëpunuar, ka marrë vendim 13 Shkurt të 2020 që të ndërpriste komunikimet me hetuesit Italian dhe ka hequr dorë nga statusi i bashkëpunëtorit.
I penduari Mariglen Shusha ka treguar para hetuesive se si i shpëtuan arrestimit në 10 Nëntor të 2015, grupi i Ilirjan Duçallarit, të cilët do të trafikonin në drejtim të Italisë 808 kilogram kanabis. Sipas Shushës lënda narkotike përpara se të kapje nga policia ishte tentuar që të trafikohej edhe dy herë të tjera, por për haka të një defekti që kishte pësuar gomonia ata e kishin anuluar trafikimin.
Edhe mbrëmjen e 10 Nëntorit të 2015, mjeti lundruar sapo ka dalë në det ka pësuar sërish defekt dhe trafikantët kanë tentuar që ta, kthenin drogën tek magazinat, me anë të një forgoni të drejtuar nga Alban Koshi ndërsa mjeti lundrues drejtohej nga Robert Myftari, i cili kishte në pronës mjetin por vetëm në letra pasi gomonia ishte e Ilirjan Duçellarit.
Policia ka mbërritur në vendin e ngjarjes dhe ka sekuestruar lëndën narkotike por nuk ka mundur që të arrestojë asnjë nga të dyshuarit. Marglen Shusha tregon se Duçellari disa ditë më pas e ka dërguar tek vendi ku polica kishte sekuestruar 808 kg hashash dhe i ka thënë që çunat shpëtuan pasi dy ishin fshehur në shkurre, dy të tjerë pas disa shkëmbinjve shumë pran vendit ku ishte polica, ndërsa Elton Hamza i shpëtoi prangave pasi kishte qëndruar i fshehur në majë të një peme.
Për këtë çështje u zhvillua një operacion disa ditë më parë ku u arrestuan 18 persona ndërsa 10 të tjerë janë shpallur në kërkim ndërkombëtarë, mes tyre edhe dy shoqëruesit e ish-ministrit Saimir Tahiri, Agusitn Deda dhe Hekuran Marku.
