E ftuar në Tonight Ilva Tare, drejtorja e TKOB, Zana Çela ka mohuar që buxheti për një shfaqje në Teatrin e Operas dhe Baletit të ketë qenë vetëm 600 euro, ashtu sic shkroi në facebook paraardhësi i saj i dorëhequr, Ilir Kerni. Kjo sipas saj nuk është e mundur pasi edhe një kostum kushton më shumë se aq. Zonja Çela mohoi zërat se posti i drejtores së TKOB i ishte premtuar përpara konkursit duke thënë se ishte pplatforma e saj që e nxorri fituese.
Pjesë nga intervista
A kishit një premtim se do ta merrnit ju postin e drejtore së TKOB?
Absolutisht që nuk kisha asnjë premti. Absolutisht që jam përgatitur shumë fort për këtë konkurim, për këtë platformë, pasi platforma nuk ishte thjeshtë një platformë e prezantuar në një panel i cili do të na selseksiononte se kush ishte konkurenti më i mirë, por ishte një platformë e cila do të më ndiqte mua nëse unë do të dilja fituese dhe do të më udhëhiqte mua në çdo ditë, në çdo javë, në çdo muaj të punës sime.Ishte një punim shumë dinjitoz dhe shumë këmbëngulës dhe për këtë arsye ishte ndoshta ajo platforma që u pëlqye nga paneli në Kryeministri dhe më pas mori edhe pëlqimin e kabinetit të qeverisë.
Ju ka uruar Ilir Kerni kur morët detyrën?
Po, sigurisht që më ka uruar.
Në një status të tij në facebook ditët e dorëheqjes, shprehte shqetësimin për buxhetin e ulët, rreth 600 euro për një shfaqje, që realisht duket skandaloze. Çfarë mund të bëhet me 600 euro? Si mund të bëhet një shfaqje me kaq buxhet?
Unë në fakt nuk është se ekam lexuar këtë status, e kam lexuar vetëm kur e komentonin gazetat e ndryshme por nuk e kam lexuar nga Iliri por nuk është e vërtetë. Absolutisht që nuk mund të jetë aq buxheti sepse buxheti i operas dhe baletit zë ¼ e buxhetit të ministrisë së Kulturës, absolutisht që nuk mund të jetë. Madje një shfaqje normale, jo premierë, vetëm artisti i huaj, ku mund të nënvizoj që në çdo shfaqje ka patur gjithmonë artistë të huaj, 2-3 artistë të huaj për shfaqje, dhe i kanë patur honoraret mbi 2 mijë- 3 mijë euro. Pastaj ndoshta edhe një kostum nuk bën aq sot, një kostum i një personazhi. Më kujtohet që vetëm shfaqja e Prelocajt ishte 28 mijë euro.
