Liderët politike shqiptare në Maqedoni janë nën kontrollin e plotë të qeverisë se kryeministrit Nikolla Gruevski.
Deklarata është bërë nga lideri i Partisë më të madhe opozitare në Maqedoni Zoran Zaev, në një intervistë për A1 Report.
Në fjalën e tij Zaev Zaev shprehet se disponon përgjime që tregojnë për bashkëpunimin e kreut te Partise Demokrate Shqiptare në opozitë, Menduh Thaçi me policinë sekrete të Maqedonisë. Sipas tij, Thaçi i ka premtuar besnikëri deri ne vdekje policisë sekrete maqedonase.
“Vetë publikimet e dëshmive tregojnë se kryetari i partisë më të madhe shqiptare PDSH e cila shoh se në brendësi po pëson ndryshime është e përfshirë në bashkëpunim të fshehtë me shefin e policisë sekrete, i cili është kryesuesi i më shumë zhvillimeve në Maqedoni. Pra ai, për interesat e tij personale është mbështetës i politikave të VMRO DPMNE-së. Është e habitshme se si ai i thotë në telefon shefit të policisë sekrete “Shef jam besnik ndaj teje deri në vdekje”. Njëkohësisht PDSH ka dëshmuar se nuk është opozitë , por pjesë e kabinetit të presidentit të shtetit me propozim të VMRO DPMNE-së, pasi bashkëpunon në shumë projekte të përbashkëta me partinë e Gruevskit. Dhe kjo është një e vërtetë absolute, këtë e dinë të gjithë. BDI është parti e cila direkt merr pjesë në pushtetin ekzekutiv dhe bashkëqeveris edhe pse deputetët e kësaj partie kanë fituar mandatin në mënyrë të paligjshme. Kështu që në Republikën e Maqedonisë nuk ka opozitë në parlament.” u shpreh Zoran Zaev.
Sa i përket rastit Monstra ku mbetën të vrarë 5 maqedonas në vitin 2012, ngjarje për të cilën u dënuan 6 shqiptare, Zaev tha se disponon përgjime që do të mund të hedhin dritë mbi të vërtetën të cilat do të publikohen së shpejti. Lideri i opozitës Zoran Zaev tha gjatë intervistës se protesta e parë masive për largimin e kryeministrit Gruevski do të mbahet më 17 maj.
Redaksia Online
(JavaNews.al)
