Kryeministri Zoran Zaev duke u përgjigjur për procedurat e mëtutjeshme me ligjet që nuk u nënshkruan nga kryetari Gjorge Ivanov tha se “mosrespektim i Kushtetutës është edhe nëse nuk ndërrohet emri i ri i Republikës së Maqedonisë së Veriut”.
Zaev tha se shërbimet do të gjejnë zgjidhje të përbashkët në mënyrë të mundësohet ndërrimi i ligjeve të miratuara, që nuk morën nënshkrimin e Gjorge Ivanovit.
Kuvendi të hënën njoftoi se Ivanov nuk i ka nënshkruar dekretet e 11 ligjeve. Ligjet të cilët Ivanov i refuzoi do të duhet përsëri të gjenden në procedurë kuvendare dhe duhet të miratohen së paku me 61 deputetë.
Nga 1 prilli Kuvendi nuk do të punojë për shkak të mbajtjes së zgjedhjeve presidenciale, por për procedurat e mëtejshme në këtë drejtim pritet edhe mendimi i kreut të Kuvendit, Talat Xhaferi, i cili është jashtë vendit për shkak të nënshkrimit të protokollit për anëtarësim në NATO. Nuk përjashtohet mundësia që Kuvendi të punojë edhe gjatë zgjedhjeve presidenciale për t’u miratuar ligjet reformuese, që BE i kërkon nga Maqedonia e Veriut.
“Vendin tonë nuk i duhen bllokime për arsye subjektive. Besoj se do të gjenden zgjidhje”, tha Zaev.
