Kryetari i LSDM-së, Zoran Zaev, ka dhënë dorëheqje nga posti i kryetarit të Strumicës, për t’u bërë deputet i Parlamentit të Maqedonisë, njofton Klan Kosova.
Sipas portalit Mina në Maqedoni, kjo pritej nga Zaev, pasi që në komunën e tij kishte shumë korrupsion dhe atje ai do të gjykohej nga qytetarët e asaj ane, prandaj si deputet do t’i ikë kësaj përgjegjësie.
Mina, e afërt me pushtetin në Maqedoni, shkruan se kështu Zaev edhe tenton t’i ikë burgut për keqpërdorimet në këtë komunë.
Zaev e ka emëruar Kosta Kostadinov për ta zëvendësuar në krye të kësaj komune, deri në vitin e ardhshëm kur edhe zhvillohen zgjedhjet lokale, përcaktoi Blic. (b.an)
