Kryetari i Lëvizjes Vetëvendosje, Visar Ymeri, në një intervistë për fundvit tha se Qeverisë nuk i ka mbetur opsion tjetër përpos dorëheqjes pas vendimit të Gjykatës Kushtetuese.
“Për sa kohë që njerëzit që e shkelin Kushtetutën insistojnë të mbesin në pushtet, atëherë kjo flet shumë për qasjen që ata e kanë karshi një sistemi republikan dhe demokratik, ku natyrisht që shkelësit e Kushtetutës nuk do duhej që në asnjë mënyrë të lejoheshin të mbajnë poste të rëndësishme, përmes të cilave ata prapë po kërcënojnë se do të shkelin Kushtetutën”, tha Ymeri në një intervistë për televizionin publik.
