Strasbourg e ka tronditur Paris Saint-Germainin duke i shkaktuar humbjen e parë në kampionat këtë edicion, pasi e mundi 2-1.
Strasbourg e priti PSG-në “Stgade de la Meinau” në kuadër të javës së 16-të të Ligë 1.
Da Costa i kaloi vendasit në epërsi në minutën e 13-të të ndeshjes, ndërsa PSG u përgjigj në fund të pjesës së parë, duke i barazuar shifrat me golin e Mbappes në minutën e 42-të.
Bahoken doli në skenë për Strasbourgun duke shënuar minutën e 65-të, në atë që doli të ishte goli i fitores.
Përkundër nëntë minutave shtesë, PSG nuk mundi të bëjë asgjë për ta shmangur disfatën e parë në ligë këtë sezon.
PSG e ruan vendin e parë në tabelë, gjithsesi, me 41 pikë, 10 më shumë se ndjekësi i parë, Marseille, që ka 31 pikë dhe një ndeshje më pak të luajtur.
Strasbourg shkon në kuotën e 18 pikëve pas kësaj fitoreje dhe renditen e 14-ta në tabelë./a.m.
