Forcat e policisë dhe të sigurisë në stadiumin “Santiago Bernabeu” kanë pasur shumë punë për të bërë gjatë natës së mbrëmshme, jo për sa u përket tifozëve, të cilët kishin një sjellje thuajse shembullore, por lojtarëve. Sipas mediave spanjolle, disa nga yjet e Bajern Mynih kanë hyrë me forcë në dhomën e zhveshjes së gjyqtarëve për të protestuar kundër Viktor Kasai dhe drejtimit të ndeshjes së mbrëmshme.
Gazetari Hoes Luis Sançez, tha gjatë emisionit “El Chiringuito” në televizionin spanjoll “Mega” tregoi se u desh ndërhyrja e policisë për të nxjerrë jashtë dhomës së gjyqtarait hungarez tre futbollistë të Bajern Mynih.
Tiago, Levandovski dhe Vidal shoqëruan Kasain nga fusha deri në dhomën e tij dhe protestuan me zë të lartë duke i evidentuar gabimet që kishte bërë ai dhe asistentët e tij. Policia u desh të ndërhynte për t’i larguar ata ndërsa nuk munguan edhe fyerjet nga lojtarët drejtuar gjyqtarit hungarez. Këto ngjarje me shumë mundësi do të pasqyrohen në protokollet e Kasait dhe nuk përjashtohet mundësia që të tre futbollistët të marrin edhe ndëshkime disiplinore nga UEFA. /ma.me
