Kampi i Tepelenës ka shkaktuar këtë herë një debat televiziv mes Pëllumb Xhufit dhe Agron Tufës. I ftuar në “Studio e Hapur” në “News 24”, historiani Pëllumb Xhufi tha se, nuk janë deklarata e tij, por të dhëna të një dokument të CIA-s, që ka publikuar ekskluzivisht Dritare.net, i cili vërteton atë çka ai thotë.
“Lexova sot para se të vija këtu dhe lexova që një person që kishte jetuar në kampin e Tepelenës dhe në Kampin e Turanit. Dhe ai vetë bën me dije që kushtet më të mira kanë qenënë në kampin e Tepelenës. Dhe atje kanë çuar fëmijë për tu çuar fëmijë për t’u çfarosur. Ai ka qenë një kamp internimi.
Thonin që fëmijët i çonin të punonin, por kjo nuk është e vërtetë. Fëmijët shkonin në shkollë. Unë mund t’ju sjell edhe urdhrin e Shemzi Totollanit ku shkruan se kemi marrë vesh se fëmijë të Turanit nuk shkojnë në shkollë. Kam ndjeshmërinë për vuajtjet e atyre njerëzve, janë ekzagjerime. Dikush e bën se e ka të treguar. Në atë kamp nuk është vrarë njeri thonë ata që kanë jetuar” tha Xhufi. E ndërsa shkrimtari Agron Tufa tha se këtu kemi ardhur për të sqaruar përtej përgjigjeve fyese në shtyp.
“Për herë të parë kam sjellë 100 të mbijetuar kryesisht femra të moshave 80 vjeç. Unë nuk dua të lë asnjë lloj përshtypje por shpërndarja e tyre nëpër fushë, ata kanë humbur motra dhe vëllezër. Është krejtësisht e kundërta e asaj tabloje rozë që tha zoti Xhufi.”, tha Tufa.
Xhufi: Unë merrem me histori të vjetra.
Tufa; Po por herë pas here arratisesh dhe del në falangë tjetër.
Xhufi: Unë historinë mundohem ta mësoj të tërën. Se edhe reja shpjegohet me të vjetrën.
Tufa: Unë nuk ndërhyra. Në as gjënë tuaj ju durova me shumë qetësi olimpike
Xhufi: Ti më përmende tre hërë emrin. Po më provokon. Ti po me thërret po më grish.
Tufa: Unë nuk jam nga ata qentë e stërvitur mirë që të zihem në studiot televizive
Unë historinë mundohem ta mësoj të tërën. Se edhe reja shpjegohet me të vjetrën.
Tufa: Unë nuk ndërhyra. Në as gjënë tuaj ju durova me shumë qetësi olimpike
Xhufi: Ti më përmende tre hërë emrin. Po më provokon. Ti po me thërret po më grish.
Tufa: Unë nuk jam nga ata qentë e stërvitur mirë që të zihem në studiot televizive./Dritare.net/
***/
Përplasje ka pasur edhe nga Jonila Godole që ka deklaruar se priste sot një falje publike nga Pëllumb Xhufi për deklaratën e mëparshme dhe më pas kërkoi nga historiani që të trajtojë me kujdes dokumentat për këtë çështje dhe jo të mjaftohet me mbledhjen dhe citimin e tyre. Pas kësaj kërkese, palët kanë shkëmbyer disa ironi mes tyre.
Jonila Godole: Dokumentat duhet t’i vendosni në kontekst. Nuk mund të merrni dokumenta majtas-djathtas…
Pëllumb Xhufi: Mund të më mësoni ju si të shkruaj historinë.
Godole: Po edhe mund t’ju mësojmë ne që jemi shkolluar në Perëndim.
Xhufi: A jepni kurse, të na bëni ndonjë kurs falas.
Godole: Jo, nuk ka kurse falas sepse nuk jemi më në komunizëm.
Xhufi: Epo nuk kam para të vij në kurs pra.
