Kryeministri Edi Rama, me anë të një postimi në Twitter, iu kthye çështjes së Xhisiela Malokut, duke thënë se i vjen mirë që tashmë nuk është më i vetmi që thotë se “vajzën e morën peng dhe e kthyen në mish për topat e kazanit politik e mediatik”
Kreu i qeverisë paralajmëroi hartimin e një pakete antishpifje.
Rama tha se do të çmontohet me fakte edhe pjesa tjetër e këtij “horrori mendjesh e gojësh të përdala”
“Më vjen mirë që s’jam më i vetmi që them se vajzën e morën peng dhe e kthyen në mish për topat e kazanit politik e mediatik! Më mirë vonë se kurrë. Ndërkohë duhet çmontuar me fakte pjesa tjetër e këtij horrori mendjesh e gojësh të përdala. Dhe shumë shpejt një paketë antishpifje”, shkruan Rama në rrjetin social.
Rasti i Xhisiela Malokut ka qenë kryefjala e javës së fundit në politikën shqiptare me akuza dhe kundër akuza të shumta mes shumicës dhe opozitës.
a.ç
