Skuadra e Milanit ka shprehur interesim për mesfushorin shqiptar Blerim Xhemaili. Xhemaili 30-vjeçar, aktualisht po luan me Zvicrën në “Euro 2016” dhe po tregon paraqitje të mira.
Ai edicionin e shkuar ishte i huazuar te Genoa, kurse ka kontratë me Galatasarayn deri në verën e vitit 2017.
Xhemaili më herët ka deklaruar se dëshiron të luajë në Serie A, kurse Milani është i gatshëm t’i paguajë skuadrës turke një dëmshpërblim prej tre milionë eurosh, citohet Koha.
Xhemaili në edicionin e fundit në Serie A, ka realizuar tre gola në 27 ndeshje. Ai krahas Genoas, karrierë ka bërë edhe te Napoli, Torino e Parma. (b.an)
