“Unë jam martuar me dy gra dhe kam 11 fëmijë, pasi feja myslimane e lejon deri në 7 dhe nuk ka asnjë të keqe. Me gruan e parë kam 6 fëmijë, ndërsa me të dytën 5.
Gruaja e dytë, Rudina u largua nga banesa ku jetonim së bashku me gruan e parë pas debateve dhe pakënaqësive “.
Kjo është dëshmia e Besnik Bashës nga fshati Dragu i Dibrës, i cili pak ditë më parë u qëllua 6 herë me thikë nga njëra nga dy gratë në gjumë, ndërsa i shpëtoi vdekjes.
Konflikti në familje nisi për shkak të mungesës së vëmendjes që Rudina pretendonte se Besniku i kushtonte asaj në krahasim me gruan e parë duke sjellë largimin e saj.
45 vjeçari i kërkoi të kthehej dhe të jetonin sërish në një shtëpi bashkë me fëmijët, pasi ishte larguar për në Bulqizë, por ajo nuk pranoi.
Besniku shprehet se gruaja e dytë, Rudina Basha preu në besë Allahun, pasi “Unë natën që u plagosa isha në banesën që ajo ka marrë me qera në Bulqizë. Shkova dhe i kërkova falje në emër të Allahut, por ajo gjatë natës kur po flija më goditi më thikë duke prerë në besë Allahun” thotë ai.
45 vjeçari Besnik Basha njihet si frekuentues i rregullt i xhamisë në Dibër, ndërsa pas ngjarjes ka përfunduar në burg, pasi gjatë kontrollit në banesë iu gjet një armë pa leje.
Ndërkohë që edhe gruaja e tij e dytë, Rudina është arrestuar pasi e qëlloi 6 herë me thikë në gjumë para dy ditësh./tema/a.k
