Xhelal Mziu vazhdon misionin e tij në Dibër, në përpjekje për të grumbulluar sa më shumë vota për kandidatin e Partise Demokratike, Sherefedin Shehu. Ditën e djeshme, deputetët e PD të zbarkuar në qytetin që në datën 11 shtator do të votojë për të zgjedhur Kryetarin e ri të bashkisë, ishin mbledhur ne kafenenë e katit të parë të selisë së PD, për të vëzhguar nga afër se cilët ishin pjesëmarresit në takimin elektoral që zhvilloi kandidati I ASHE-së, Dr. Muharrem Rama në Pallatin e Sportit në Dibër.
Sigurisht, në krye të deputetëve opozitarë qendronte Kryetari i Bashkisë së Kamzës Xhelal Mziu, i cili njihet fort mirë për aferat e tij seksuale, ku me e fundit është ajo e shfaqur në disa media kombëtare teksa i kërkonte favore seksuale një vajze të punësuar në Bashki, të cilën e quante “Shamikuqe” dhe e kërcënonte me largim nga puna në rast se nuk do i plotësonte Xhelalit nevojat e tij erotike.
Kështu, Xhelal Shamikuqe Mziu, pasi identifikoi dibranët që merrnin pjesë në takimin elektoral të Dr. Ramës, vendosi të kontaktonte në mënyrë të drejtpërdrejtë me secilin prej tyre që kishte familjarë banues në Kamëz. Mesazhi ishte i thjeshtë: Nëse votonin për doktor Ramën, do u hiqte familjarët nga puna, do u prishte shtepitë, ose do u shkatërronte biznesin, thonë burime për Lexo.al
Ështe e paimagjinueshme se si kjo mendësi e vjetër, që nuk ka asnjë lidhje me vlerat e demokracisë, vazhdon dhe sundon në Partine Demokratike, e cila larg të paturit një alternative reale, përdor mjete tërësisht të papranueshme për të marrë votën. Duket se e vetmja strategji e PD për të tentuar një fitore në Dibër është ajo përmes kërcënimit dhe shantazhimit që Xhelal Mziu dhe deputetë të tjerë opozitare kryejnë kundër kujtdo dibrani që nuk zgjedh t’i votojë. Por fatmiresisht, duke qenë në opozitë, kërcënimet dhe shantazhet e PD sot nuk trembin askënd. /Lexo.al/a.m.
