Ministri i Punëve të Brendshme Fatmir Xhafaj ka nisur një vizitë në Britaninë e Madhe.
Përmes disa postimeve në Twitter, Xhafaj thotë se ka marrë premtim për mbështetje konkrete për operacionin “Forca e Ligjit” dhe për bashkëpunim për operacione dypalëshe nq luftën ndaj krimit.
“Në Londër, në vendin e një prej Policive më të mira në botë. Një ditë intensive në Metropolitan Police në New Scotland Yard dhe Agjencinë Kombëtare të Krimit”, shkruan ministri Xhafaj në Twitter.
Përvoja britanike në procesin e Vetting-ut të Policisë do të jetë modeli i realizimit të këtij procesi në Shqipëri.
“Modeli për ne – përvoja e shkëlqyer britanike në procesin e Vetting-ut të Policisë. Premtim për mbështetje konkrete për operacionin “Forca e Ligjit”. Bashkëpunim për operacione dypalëshe”, tha Xhafaj.
