Ministri i Brendshëm, Fatmir Xhafaj gjatë prezantimit në Kuvend të projektligjit për “Vettingun në policinë e Shtetit dhe Gardë”, deklaroi se me anë të këtij procesi do të largojmë nga radhët e uniformave blu elementët e korruptuar, të inkriminuar dhe të paaftë
“Ky proces do të largojë nga policia të gjithë efektivet e korruptuar të inkriminuar dhe të paaftë. Nga ana tjetër, procesi synon të nxjerrë në pah anën e shëndoshë të policisë. Spastrimi i policisë do të rrisë efiçencën e kësaj organizatë dhe do të forcojë besueshmërinë në komunitet. Në këtë rrugë kemi edhe mbështetjen e partnerëve ndërkombëtarë. Organet e vlerësimit të policisë janë të pavaruara dhe të paanshme”, deklaroi Xhafaj.
Xhafaj tha se kultivimi i kanabisit nuk kurseu as policinë, dhe se në radhët e tyre ka të paaftë dhe të inkriminuar, ashtu siç ka tek gjyqësori dhe politika.
“E kemi pranuar, se në radhët e policisë, ashtu si tek gjyqësori dhe politika, ka persona të paaftë, të inkriminuar. Kultivimi i kanabisit nuk kurseu as policinë, por ne jemi përballur me këtë fenomen”, deklaroi Xhafaj
Xhafaj i kërkoi opozitës të mos përbaltë policinë e shtetit, por t’i inkurarojë ata për rezultatet pozitive në luftën ndaj krimit
“Me këtë proces, ne nuk po përpiqemi të shmangim problemet, por duam t’i nxjerrim në pah dhe t’i eliminojmë. Standardet e policisë nuk mund të cenohen nga interesat politike të momentit. Duam të bëjmë një hap të madh cilësor duke çrrënjosur me themel të inkriminuar nga policia e shtetit. Përbaltja politike nuk e ndihmon këtë procës. Të inkriminuarit në polici kanë emër dhe mbiemër, nuk mund të fajësohet e gjithë organizata e policisë. Duhet të falenderoni policinë për rezultatet e fundit në luftën ndaj krimit. Kjo ju nderon si opozitë”, tha Xhafaj
Ministri theksoi se “nëse përfaqësues të politikes, qofshin te majte apo te djathte, janë në një mënyrë apo nje tjetër në marrëdhënie me grupe kriminale, kanë mbështetje financiare apo cdo lloj interesi tjeter, siguroj që asnjë lloj imuniteti s’do i përjashtojë ata nga goditja e ligjit”
“Jemi qartësisht të fokusur në luftën ndaj krimit dhe bllokimin e aseteve kriminale. Kemi vullnetin e duhur për të goditur krimin në çdo formë të shfaqjes së tij. Disa grupe kriminale kanë asetë të fuqishme financiare. Lini interesat personale dhe politike, mbështesni pa rezerva policinë e shtetit në luftën ndaj krimit. Nëse përfaqësues të politikes, qofshin te majte apo te djathte, janë në një mënyrë apo nje tjetër në marrëdhënie me grupe kriminale, kanë mbështetje financiare apo cdo lloj interesi tjeter, siguroj që asnjë lloj imuniteti s’do i përjashtojë ata nga goditja e ligjit”.. Pjesa e shëndetshme e politikës duhet të bëhet bashkë”
javanews.al/a.ç
