Ministri i Brendshëm, Fatmir Xhafaj ka deklaruar se nuk ekziston rreziku i kthimit të vizave për Shqipërinë. Xhafaj theksoi se numri i azilkërkuesve ka rënë me 30% dhe nuk ka aasnjë rrezik për vizat.
“Nuk ekziston çështja e vizave, jam shumë i sigurtë. Numri i azilkërkuese është ulur me 30%. Kyr problem nuk ekziston as me Francën, as me Holandën, as me Belgjikën. Flas me përgjegjësi të plotë. Kam kontakte me qeveritë e këtyre vendeve dhe ky problem nuk ekziston”, deklaroi Xhafaj
Ministri i Brendshëm tha se goditja e krimit, në radhë të parë është shqetësim i tij, dhe jo i vendeve të huaja. Prandaj jam ministër, që të zgjidh këtë problem
“Grupet kriminale nuk janë shqetësim i Francës, Gjermanisë dhe Holandës, por është shqetësimi im. Prandaj jam ministër, që të zgjidh këtë problem. Jemi të fokusuar tek grupet kriminale. Kemi ndërtuar raport të shkëlqyer me vendet e BE dhe kjo është çështje besimi në nivel institucional”, deklaroi Xhafaj
Xhafaj: Në Shqipëri kemi 40 grupe kriminale
Ministri i Brëndshëm, Fatmir Xhafaj ka deklaruar se në Shqipëri operojnë 40 grupe kriminale. Një grup i strukturuar kriminal ka rreth 20 persona. Xhafaj deklaroi se në Europë ka rreth 5 mijë grupe kriminale, mbi 60 % janë pjesë e vendeve të BE. Keto grupe nuk kanë lindur sot.
“Grupet kriminale shqiptarë nuk janë më ato të viteve 90, as të 97-ës më kallashnikov. Janë në një fazë të re. Në Europë ka 5 mijë grupe të strukturuara kriminale, mbi 60 % janë pjesë e vendeve të BE. Sipas standardeve të Europol kemi 15 grupe kriminale, por sipas statistikave tona janë rreth 40 grupe kriminale”, tha Xhafaj
I ftuar në ‘Opinion’, Xhafaj foli edhe për ngjarjet e fundit kriminale.
“Atentati me eksploziv në Shkodër për llogari të një grupi kriminal në Elbasan. Ngjarja për shkak të llogarive të tyre për trafikun e drogës. Bëhet fjalë për trafik jashtë Shqipërisë, jo brenda. Ngjarjët kriminalë të fundit, për shkak të konflikteve të drogës në shtetet e botës“
Në Elbasan policia gaboi, tha ministri i brendshëm, prandaj morëm masa të forta atje.
“Ata që u shkarkuan në Elbasan nuk e meritonin të ktheheshin në postë drejtuese. Ka firmosur Haki Çakos sigurisht”, deklaroi ai
Xhafaj: Qazim Sejdini ruhet nga policia
Ministri i Brendshëm Fatmir Xhafaj ka thënë se kryetari i Bashkisë së Elbasanit Qazim Sejdini është duke u mbrojtur nga policia.
“Qazim Sejdini ka një nivel mbrojtje për shkak të një kërcënimi që ka pasur një moment të caktuar. Nuk i di detajet dhe hollësitë sepse nuk e kam parë cështjen me imtësi pasi nuk është detyra ime, është e strukturës përgjegjëse“, deklaroi Xhafaj.
javanews.al/a.ç
