Ministri i Brendshëm Fatmir Xhafaj gjatë prezantimit të buxhetit në Komisionin e Sigurisë Kombëtare, i cili është më i madhi i 10 viteve të fundit, ka bërë publik edhe disa detaje përsa i përket Task Forcës Speciale. Sipas ministrit Xhafaj në buxhetin e këtij viti është parashikuar një pagë e veçantë për punonjësit e Task Forcës.
‘’Është parashikuar në vendimin që ka nxjerrë qeveria, lidhur ngritjen e task forcës speciale, një pagë e veçantë për të gjithë punonjësit për të gjithë, oficerët e policisë që do të angazhohen drejtpërsëdrejti në këto Task Forca. Këtu po. Këtu do të ketë një trajtim të veçantë, e ngjashme me modelin që do të përdoret më pas me Byronë Kombëtare të Hetimit. Dhe kjo besoj që është stimuluese, është motivuese për njerëzit që do të jenë në vijën e parë të luftës kundër grupeve kriminale’’ tha Xhafaj
