Pavarësisht se çështja e nxehtë është Saimir Tahiri, Ministri i Brendshëm Fatmir Xhafaj ka folur në lidhje me grupin Habilaj, përgjimet e të cilëve u bën shkaku që mund të sjellë dhe arrestimin e ish-ministrit socialist.
Por ministri Xhafaj, përveçse ka deklaruar se e sheh Tahirin të pafajshëm në këtë çështje, bazuar në provat, ka goditur edhe prokurorinë për lëvizjet kundër klanit Habilaj. Xhafaj tha se policia ka referuar të paktën dy raste në prokurori për arrestimin e eksponentëve të këtij grupi, por nga ana e prokurorisë ka patur shumë pak përpjekje.
“Koha është e shkurtër, s’mund të bësh një vlerësim të plotë. Sidomos për luftën kundër krimit të organizuar. Do tu japim mundësinë që ta shihni shumë shpejt këtë vlerësim. Do të shihni prova dhe vullnete konkrete shumë shpejt. Sa i përket çështjes konkrete duhet të bënit një analizë të plotë. Edhe për Habilajt.
Ka dy referime nga policia në prokurori për këtë çështje dhe ka pak ose aspak nga prokuroria. Kjo I mbetet të ardhmes për tu parë dhe për tu analizuar.”-tha Ministri i Brendshëm.
a.ç
