Projektligji i Arsimit të Lartë ka ndeshur shumë kundërshti në vendin tonë, si nga opozita dhe nga disa petagogë, por mesa duket për ndërkombëtarët, ky projektligj i votuar tanimë nga Kuvendi i Republikës së Shqipërisë, është i duhuri.
Drejtori i Përgjithshëm i Arsimit dhe Kulturës në Komisionin Evropian, Xavier PRATS MONNÉ, i ka dërguar një letër ministres së Arsimit dhe Sportit, Lindita Nikolla.
Javaneës.al ka marrë nga burime brenda ministrisë letrën e plotë të ardhur në adresë të Nikollës, ku shprehet konsiderata për punën e palodhur të ministres dhe kryeministrit Rama.
Drejtori i Përgjithshëm i Arsimit dhe Kulturës në Komisionin Evropian, Xavier PRATS MONNÉ, shprehet se do të vijojë të ndjekë me kujdes imolementimin e këtij projektligji.
Letra e Plotë :
E dashur Ministre,
Më lejoni t’ju përcjell përgëzimet e mia në lidhje me miratimin e projektligjit të Arsimit të Lartë në Parlament.
Ju keni drejtuar një proces tepër të gjatë, të vështirë dhe kompleks mbledhjesh faktesh e argumentash, duke u konsultuar me të gjithë grupet e interesit dhe politikbërësit, ku dhe unë personalisht, kam qenë dëshmitar sesa shumë ju dhe Kryeministri Edi Rama keni investuar personalisht në këtë përpjekje të madhe. Ndaj duhet të jeni krenare për çka keni arritur.
Gjithashtu, e di se ky është vetëm fillimi, jo fundi. Që nga diskutimi ynë në Tiranë, tani që ligji i ri po shkon drejt implementimit, kjo mbetet sfida e rradhës. Por unë nuk kam dyshime, se ju do të tregoni sërish që jeni të aftë për të mbajtur barrë mbi supe.
Ne do t’ju ndjekim nga afër në hapat tuaj të rradhës, dhe, ndoshta e panevojshme për ta thënë, ne do të qëndrojmë në dispozicionin tuaj për bashkëpunime të mëtejshme.
Ju përcjellim përshëndetjet tona të përzemërta nga Brukseli.
Xavier
Xavier PRATS MONNÉ
Drejtor i Përgjithshëm
Drejtoria e Përgjithshme për Arsimin dhe Kulturën (DG EAC)
Komisioni Europian
Bruksel, Belgjikë
