Menaxheri i Arsenalit, Arsene Wenger, ka thënë se dëshiron që Jack Wilshere ta përfundojë karrierën e tij te klubi londinez, edhe pse këtë sezon ai është huazuar te Bournemouthi.
Wilshere kompletoi huazimin e tij te Bournemouthi, pasi nuk gjeti vend në formacionin bazë të Arsenalit, por Wenger është i bindur se 24-vjeçari do të rikthehet te klubi.
“Biseduam dhe ai ishte i shqetësuar me pjesëmarrjen e tij. Unë nuk mund t’ia garantoja vendin dhe është logjike që t’i japim kohë – sfida është që të luajë futboll”, ka thënë Wenger.
“Unë shpresoj që ai të qëndrojë këtu deri në fund të karrierës. Ai është lojtar i klasit botëror, nuk ka nevojë t’i tregojë kualitetet e tij”, citohet Koha. (b.an)
