Arsene Wenger, trajneri i Arsenalit, e ka mbrojtur lojtarin e Arsenalit, Granit Xhakën nga akuzat se luan rende dhe pak ndyre. Xhaka është akuzuar se nuk ka disiplinë në fushë, pasi shumë herë ndëshkohet me karton dhe shkakton penallti. Strategu francez insiston se ylli i Zvicrës nuk është i ndyrë.
“Ju mund të shihni në lojën që bënë se ai nuk është një lojtar i ndyrë. Në përgjithësi unë jam mjaft i kënaqur me evolucionin e Xhakës në mbrojtje”, ka thënë francezi në konferencën për media, përcjell Express.
“Ai është më pak spektakolar gjatë stërvitjes dhe ai qëndron më shumë në këmbët e tij. Ai përdor trupin e tij më të mirë për të fituar sfidat. Ai është shumë më i përqendruar në mbrojtje se më parë. Ai është përmirësuar shumë në këtë aspekt”, ka theksuar Wenger. (b.an)
