Armët e Gërdecit që bliheshin nga dy amerikanë do të jenë pjesë e një filmi hollivudian. Tashmë është zyrtare, “Hollywood”-i, publikon trailerin e filmit me protagonistë kryesorë Efraim Diveroin dhe ortakun e tij, David Packouz.
Warner Bros ka publikuar trailerin e parë të filmit komik “War Dogs” me aktorët Johan Hill dhe Miles Teller, i cili bazohet në një histori të vërtetë.
Gjithçka nisi kur kompania amerikane “AEY Inc” e 25-vjeçarit, Efraim Diveroli fitoi një kontratë prej 300 milionë dollarësh me qeverinë e SHBA për blerjen e municioneve dhe iu drejtua Shqipërisë për të lidhur marrëveshje mbi blerjen e këtyre municioneve.
Protagonistët në film janë dy të rinj amerikan të cilët bëhen tregtarë armësh për llogari të qeverisë së Shteteve të Bashkuara të Amerikës, duke përfituar dhe mbyllur kontrata shumë miliona dollarë raporton BW. Këta dy petsona nga djem me një jetë të thjeshtë nisin dhe bëjnë një jetë të klasit të lartë, por gjithçka më vonë shembet, fill pas shpërthimit që ndodhi në Gërdec.
Pjesa më e çmendur e gjithë kësaj çështje është se ndryshe nga ‘Hangover’, ajo bazohet në një histori të vërtetë. Posteri i filmit është frymëzuar gjithashtu nga posteri i filmit ‘Njeriu me Shenjë’, ndërsa producent është Bradley Coopr. Madje aktori i famshëm shfaqet në një pasazh filmi, por nuk dihet ende rolin e kujt do të luajë.
Bazuar në një histori të vërtetë “War Dogs” ndjek dy shokë rreth të 20-ve (Hill dhe Teller) që jetojnë në Majemi. Gjatë luftës së parë në Irak, ata shfrytëzojnë një iniciativë pak të njohur të qeverisë e cila lejon bizneset e vogla të konkurrojnë për kontrata ushtarake të SHBA. Duke nisur pak e nga pak, ata arrijnë të fitojnë shumë para dhe fillojnë të bëjnë një jetë luksoze. Por të dy arrijnë maksimumin kur fitojnë një kontratë 300 milion dollarë për të furnizuar me armë ushtarët afganë një marrëveshje që i fut ata në biznes me njerëz shumë të dyshimtë, ku njëri prej tyre rezulton të jetë edhe qeveria e ShBA.
Efraim Diveroli, u bë i njohur në Shqipëri si pronari i firmës që falsifikonte origjinën fishekëve kinezë në Gërdec e pas ripaketimit, ia dërgonte ushtrisë amerikane në Afganistan. Ai u arrestua në vitin 2008 nga autoritetet amerikane për trafik armësh.
