Deputetja e Lëvizjes Vetëvendosje, Besa Baftiu, anëtare e Komisionit për Shëndetësi dhe Mirëqenie Sociale në Kuvendin e Kosovës, tha se sistemi shëndetësor, përveç që ka dështuar, edhe është kriminalizuar.
Ajo tha se rasti “Stenta” ka tronditur edhe opinionin ndërkombëtar.
Deputetja Baftiu, e ftuar në emisionin “Puls” të KTV-së, ku u diskutua për problemet në shëndetësinë e Kosovës, tha se lufta mes Ministrisë dhe SHSKUK-së është luftë për buxhet dhe pushtet mes koalicionit PDK dhe LDK. Kjo, sipas saj, haptas po shihet edhe në emision.
“Kjo qeveri nuk e ka prioritet shëndetësinë. Shëndetësia ka buxhet të vogël gjë që edhe vetë ministria po e pranon. Në spitalet e Prizrenit nuk funksionon Sistemi Informativ Shëndetësor”, ka thënë Baftiu. (b.an)
