Shumë punë po bëhet në sheshin “Skënderbeu”, aty ku të premten do të jetë ceremonia e inaugurimit të presidentit të ri, Hashim Thaçi, raporton KTV.
Që nga paraditja, aty kanë nisur përgatitjet për skenën, në të cilën do të ngjitet presidenti i ri, për t’iu drejtuar mbi një mijë të ftuarve, të cilëve tashmë u janë dorëzuar ftesat.
Aty pritet të jenë personalitete nga vendi, rajoni e bota, por atë do ta bojkotojë opozita. Megjithatë, Vetëvendosje nuk e përjashton mundësinë e një aksioni simbolik të premten.
Hashim Thaçi të enjten do ta japë betimin në Kuvendin e Republikës. Ai do të betohet para deputetëve se do të jetë figurë unifikuese, por atë nuk do ta dëgjojë opozita.
